Şimal bölgəsində “18 May – Beynəlxalq Muzeylər Günü” ilə əlaqədar “Açıq qapı” günü keçirilir. Bu haqda ShimalNews 18 may tarixində məlumat verir.
Bu gün sakinlər və bölgəmizin qonaqları aşağıda qeyd olıunmuş muzeyləri ödənişsiz olaraq ziyarət etmək imkanı əldə edəcəklər:
- Xaçmaz Tarix-Diyarşünaslıq Muzeyi,
- Xalça Muzeyi (Xaçmaz filialı),
- Quba Tarix-Diyarşünaslıq Muzeyi,
- Xaçmaz rayon Heydər Əliyev Mərkəzi,
- Xaçmaz rayon Heydər Əliyev Mərkəzi (Xudat qəsəbəsi),
- İsmayıllı rayon Heydər Əliyev Mərkəzi,
- Quba rayon Heydər Əliyev Mərkəzi,
- Qusar rayon Heydər Əliyev Mərkəzi.
Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə təsis edilib. ICOM tərəfindən xalqlar arasında mədəni mübadilə və əməkdaşlığın inkişafına kömək məqsədilə təsis olunmuş bu gün hər il müxtəlif deviz altında keçirilir. Bu il Beynəlxalq Muzeylər Günü “Muzeylərdə təhsil və tədqiqat” mövzusuna həsr olunub.
