Hazırda İsmayıllıda selin vurduğu ziyan müəyyən olunur. Bu barədə ShimalNews 1 iyul tarixində “Xəzər Xəbər”ə istinadən məlumat verir.
"Güclü yağıntılar Talıstan və Cülyan çaylarında selə səbəb olub. Cülyan çayından keçən sel vətəndaşın avtomobilini aparıb, taxıl sahələrinə ziyan dəyib. Bəzi evlərin zirzəmiləri və həyətyanı sahələrinə su dolub. Başqa ciddi fəsadlar qeydə alınmayıb. Bu faktlar, əsasən, Lahıc qəsəbəsində qeydə alınıb", - icra başçısının 1-ci müavini Mahmud Süleymanov deyib.
O bildirib ki, kimin sığortası varsa, onlara pul ödəniləcək. İcra hakimiyyəti də öz üzərinə düşən vəzfələri yerinə yetirir.
