Azərbaycanın tanınmış və gənc rəssamlarının əsərlərindən ibarət səyyar sərgi İsmayıllı ictimaiyyətinə təqdim ediləcək. Bu haqda ShimalNews 14 sentyabr tarixində xəbər verir.
İvanovkada qonaq olacaq "İncə müşahidələr" səyyar qrupu öz ilham mənbəyini gündəlik həyatın poetikasından götürüb. Əsas ideya rəssamların gözü ilə gündəlik həyata başqa baxış bucağı göstərməkdir.
Ənənəvi olaraq, sərgi əsasında YARAT heyəti və rəssamlar tərəfindən təhsil proqramlarının həyata keçirilməsi nəzərdə tutulub. Burada müasir incəsənət sahəsinə dair mühazirələr və ustad dərslərində iştirak etmək mümkün olacaq.
Sərgi Azərbaycan Respublikası İsmayıllı Rayon İcra Hakimiyyəti və “DaMir House of Imagination” məkanının təşkilati dəstəyi ilə həyata keçirilir.
Ünvan: İsmayıllı, Ivanovka, Proxladnaya, 61.
Açılış: 23 oktyabr, saat 15:00. Oktyabrın 27-si daxil olmaqla iş rejimi: saat 11:00-dan - 19:00-dək. Giriş sərbəstdir.
