Azərbaycanın keçmiş maliyyə naziri Samir Şərifovun səlahiyyətlərini icra edən şəxs məlum olub.
Teleqraf.com-un məlumatına görə, hazırda nazirin vəzifələrini nazir müavini Azər Bayramov yerinə yetirir. O, 2004-cü ildən nazir müavini postunda çalışır.
A.Bayramov xarici işlər naziri Ceyhun Bayramovun qardaşıdır.
Məlumat üçün bildirək ki, Maliyyə Nazirliyinin Əsasnaməsinə görə, nazirin 1 birinci müavini və 3 müavini var. Hazırda isə 1-ci müavin və digər 2 müavin vəzifələri boşdur.
Yanvarın 10-da maliyyə naziri Samir Şərifov tutduğu vəzifəsindən azad edilərək Baş nazirin müavini təyin olunub. O, 2006-cı ildən bu vəzifədə çalışırdı.
