May ayının 11-də Şamaxı Rayon Mərkəzi Xəstəxanasında 33 həftəlik hamiləlikdən, cəmi 1600 qram çəkidə və ağır asfiksiyada körpə dünyaya gəlib.
Shimal.News xəbər verir ki, körpənin vəziyyəti ağır olduğu üçün Şamaxıdan dərhal paytaxtdakı Respublika Pediatriya Mərkəzinə təxliyə edilib.
Pediatr Səltənət Abdullayevanın sözlərinə görə, körpənin ilk saatlarda xəstəxanaya çatdırılması sadəcə bir yol səyahət deyil, həyatla ölüm arasında körpü idi.
Günlərlə davam edən süni tənəffüs dəstəyi, dəqiq dozalanmış dərmanlarla körpənin vəziyyəti tədricən stabilləşib və sağlam şəkildə evə buraxılıb.
