Şamaxıda 45 yaşlı kişi 11 yaşlı qıza pornoqrafik video göstərib.
Shimal.News -un əldə etdiyi məlumata görə, hadisənin istintaqı Şamaxı Rayon Məhkəməsində keçirilib.
Təqsirləndirilən 44 yaşlı Nicat Əsgərov (ad şərtidir) ötən ilin iyul ayında küçədə 11 yaşlı zərərçəkmiş Sevil Seyidovaya (ad şərtidir) qarşı əxlaqsız hərəkətlər edib. O, qızı yanına çağıraraq telefonda seksual fəaliyyəti əks etdirən pornoqrafik video və şəkillər göstərərək “bunları xoşlayırsan?, bunlardan edə bilərsən?” kimi suallar verib. Sevil isə onları gördükdə qaçaraq uzaqlaşıb. Sözügedən şəxs həmin gün bir daha uşağa qarşı bu tipli əxlaqsız suallar ünvanlayıb.
Sonuncu dəfə Sevilin yaşadığı evin həyətinə gəlib onu daş hasara dirəyərək dodağından öpüb.
Nicat Əsgərov Azərbaycan Respublikası CM-nin 153.2-ci (zor tətbiq etməklə əxlaqsız hərəkətlər) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Nicat Əsəgərov ifadəsində göstərib:
“Mən belə bir addım atmamışam. Həmin gün telefonumda pornoqrafik videolara baxmışam. Amma bunu Sevilə göstərməmişəm. Onun necə gördüyünü anlamıram. Utanıram”.
Daha sonra ifadə verən zərərçəkmiş Sevil Seyidova qeyd edib ki, Nicat ona pornoqrafik videolar göstərib:
“Məni yanına çağırdı, telefonda baxdığı videoları mənə də göstərdi. Əxlaqsız təkliflər etdi. Videoda əks olunan görüntüləri xoşlayıb, xoşlamadığımı soruşdu. Bunlardan qorxub evə qaçdım.
Həmin gün bir neçə dəfə belə təkliflər etdi. Sonuncu dəfə dodağımdan öpdü”.
Məhkəmənin qərarı ilə Nicat Əsgərov 2 il müddətində azadlıqdan məhrum edilib.
Fidan İlqar
