Şəkinin 10 kəndinin sakinlərinin uzun illər xidmətindən yararlandıqları xəstəxanada hazırda adi iynə vurmaq mümkün deyil.
Xezerxeber.az-ın məlumatına görə, hazırda həmin xəstəxana Aşaği Göynük Ailə Sağlamliq Mərkəzinin bölməsi kimi fəaliyyət göstərir.
2011-ci ildə inşa olunan Şəki rayonu Aşağı Göynük kənd xəstəxanası 2020-ci ilədək 10 kəndin təxminən 20 mindən çox əhalisinə xidmət edib. İcbari tibbi sığortaya keçid olanda müəssisə keçən ilin yanvar ayından Ailə Sağlamlıq Mərkəzi adlandırılıb. Burada yalnız ilkin tibbi sanitariya zərfinə daxil olan xidmətlər göstərilir.
Sakinlərin sözlərinə görə, burada adi iynənin belə vurulması qadağan edilib. Buna görə də onlar çətinliklə üzləşirlər.
