Balakən rayonunun Kortala kəndində gecə saatlarında Vətən Müharibəsi şəhidi Əsgər Hüseynovun xatirəsinə inşa edilən yardımçı tikilidə yanğın baş verib.
Musavat.com-un məlumatına görə, yanğının hansı səbəbdən baş verməsinin təfərrüatı məlum olub.
Şəhidin valideynləri Müslümat və Vaqif Hüseynovlar həmin həyətdə yaşayırlar. Yanğın ilk olaraq həyətdəki ot tayasında başlayıb. Sonra isə yaxınlıqda tikilən şəhidin xatirə muzeyinə keçib.
Araşdırma zamanı məlum olub ki, Vaqif Hüseynovun qızı Leyla övladını görməyə gələn əri Elmara uşağı ilə görüşə icazə verməyib. Bundan qəzəblənən ata həyətdəki ot tayasını yandırıb. Alov isə genişlənərək tikiliyə keçib. Şəhid ailəsi bu əməlinə görə Elmarı bağışlayıb.
Hadisə baş verəndən bir neçə dəqiqə sonra Elmar Leylaya zəng edərək ona “keçmiş olsun” deyib.
Şəhid ailəsinə 15.000 manat ziyan dəyib. Elmar zərərdən sadəcə 1500 manatını ödəyib və 3 il azadlıqdan məhrum edilib.
