Şabranda vətəndaşın evi yararsız vəziyyətə düşüb.
Bu barədə Shimal.News-a Fövqəladə Hallar Nazirliyindən məlumat verilib.
Bildirilib ki, Şabran rayonunun Padar kənd sakini İsmixanov Sərxan Hacıbala oğluna məxsus evin yaşayış üçün yararsız vəziyyətə düşməsi və ailənin yaşayış yerinin olmaması barədə məlumat daxil olub.
Bununla əlaqədar FHN-in Şimal Regional Mərkəzinin əməkdaşları tərəfindən müvəqqəti yaşayış məqsədilə çadır qurularaq vətəndaşa təhvil verilib.
