Azərbaycan Yazıçılar Birliyinin (AYB) mətbuat xidmətinin rəhbəri Xəyal Rzanın ekranlaşdırdığı “Allaha salam” filminin premyerası olub.
Kulis.az-ın məlumatına görə, “Allaha salam” filminin əsas obrazı, Xalq artisti Məmmədsəfa Qasımov Nizami Kino Mərkəzində tədbir zamanı çıxış edib. O bildirib ki, layihənin qısa müddət ərzində peşəkarlıqla ərsəyə gəlməsi böyük uğurdur. Film Birinci Qarabağ müharibəsindən bəhs edir:
“Mən qazi obrazına həyat verirəm. Burada onun müharibədən sonra evinə qayıdanda yaşadığı ağrı-acılar təsvir olunur. Çəkilişlərimiz Şamaxı və Şabran rayonlarında reallaşıb”, - deyə Xalq artisti əlavə edib.
Ekran əsərinin bədii rəhbəri, Xalq artisti Oqtay Mirqasımov, ssenari müəllifi və rejissoru Xəyal Rza filmin ərsəyə gəlmə prosesindən söhbət açıblar.
Deputat Aqil Abbas film haqqında fikirlərini bölüşərək, müsbət rəyini bildirib.
