Şabran şəhərində illərdir davam edən baxımsızlıq antisanitar vəziyyətə çevrilib.
Shimal.News-a daxil olan məlumata görə, Babək küçəsində toplanan tullantılar küçə itlərinin artması ilə yanaşı burada yaşayan və gündəlik hərəkət edən insanlar üçün ciddi təhlükə mənbəyinə çevrilib.
Sakinlərin bildirdiyinə görə, bu küçə artıq adi bir yaşayış və ya hərəkət məkanı deyil, əsl zibillik poliqonunu xatırladır. Onlar qeyd edirlər ki, ərazidəki vəziyyətin acınacaqlı olması yalnız mənzərəni deyil, həyat şəraitini də pisləşdirib.
Vətəndaşlar deyirlər ki, məsələ ilə bağlı dəfələrlə aidiyyəti qurumlara müraciət etsələr də, bu günə qədər heç bir tədbir görülməyib. Nəticədə ərazidə təhlükəsizlik problemi yaranıb, insanlar dəfələrlə küçə itlərinin hücumuna məruz qalıblar.
View this post on Instagram
