Ağsu rayonunun Çaparlı bələdiyyəsinin sabiq sədrinə hökm oxunub.
Qaynarinfo.az-ın məlumatına görə, 35 yaşlı, kənd sakini Asif Rüstəmov barəsində Cinayət Məcəlləsinin 309.1-ci maddəsi (Vəzifə səlahiyyətlərini aşma) ilə açılan cinayət işinə məhkəmə baxılıb.
28 aprel 2020-ci il tarixdə Çaparlı bələdiyyəsinə sədr seçildikdən sonra Asif Rüstəmov vahid hüquqi prosedur qaydalarını pozaraq bələdiyyənin hüquqlarına və qanunla qorunan mənafelərinə mühüm zərər vuraraq vəzifə səlahiyyətlərini aşmaqda günahlandırılıb. O, ümumilikdə bələdiyyə büdcəsinə 13781 manat və 12681 manat məbləğdə vəsaiti zərər vurub. O, 2023-cü ildə sədri olduğu Çaparlı bələdiyyəsi birləşdirildikdən sonra Ərəbuşağı bələdiyyəsinin sədr müavini seçilib və bu əməlini ört-bastır edib.
Təqsirləndirilən şəxs əməlindən səmimi peşmançılıq çəkdiyini və dəymiş ziyanın tam ödənilməsini nəzərə alaraq, ona azadlıqdan məhrumetmə ilə əlaqədar olmayan yüngül cəzanın təyin olunmasını məhkəmədən xahiş edib.
Məhkəmənin hökmü ilə Asif Rüstəmov 1 il müddətə dövlət və yerli özünü idarəetmə orqanlarında rəhbər və maddi-məsul vəzifə tutmaq hüququndan məhrum edilməklə 3000 manat məbləğində cərimə edilib.
