Xaçmazın icra başçısı Elnur Rzayev Sərkərli kəndində sakinlərlə görüşüb. Bu barədə ShimalNews 3 noyabr tarixində RİH-yə istinadən məlumat verir.
Qəbulda yerli hüquq mühafizə orqanlarının rəhbərləri və xidmət təşkilatlarının məsul şəxsləri də iştirak ediblər. Onlar ilk öncə şəhid Sadiq Arif oğlu Qurbanəliyevin büstünü ziyarət ediblər.
Yergüc İnzibati Ərazi Dairəsi üzrə nümayəndəliyə daxil olan Armudpadar, Padar, Sərkərli, Üçgünqışlaq və Üryanoba kəndlərində yaşayan sakinlərin müraciətləri dinlənilib.
Ötən səyyar qəbulda qaldırılan bəzi məsələlərin, o cümlədən yolların təmiri və elektrik təsərrüfatının yenilənməsi istiqamətində görülən işləri sakinlər yüksək qiymətləndiriblər.
Bu dəfə isə yeni salınan yaşayış massivinə qaz xəttinin çəkilməsi, içməli və suvarma suyu ilə təchizatın yaxşılaşdırılması, məktəb binasının təmiri, rabitə ilə bağlı müraciətlər səsləndirilib.
