İsmayıllıda respublika ərazisində intiharların artması ilə əlaqədar tədbir həyata keçirilib. Bu haqda ShimalNews 23 sentyabr tarixində Rayon İcra Hakimiyyətinə (RİH) istinadən məlumat verir.
“İntihar hallarının psixoloji aspektləri” adlı təlim RİH-nin təşkilatçılığı ilə keçirilib. Görüşdə İƏD üzrə nümayəndələr, bələdiyyə sədrləri, YAP İsmayıllı rayon təşkilatı, Rayon Polis Şöbəsi, din xadimləri, səhiyyə, təhsil işçiləri, Dağlıq Şirvan Regional Gənclər İdman İdarəsi, Uşaq və Ailələrə Dəstək Mərkəzinin əməkdaşları iştirak ediblər.
Tədbir problemli ailələri nəzarətdə saxlamaq, onlarla mütəmadi olaraq söhbətlər aparmaq məqsədi ilə təşkil olunub. Burada intihar hallarının başvermə səbəbləri müzakirə olunub. Həmçinin qeyd olunub ki, ailə-məişət zəminində baş verən zorakılıq hadisələri, münaqişələr, qadınlara və azyaşlılara göstərilən təzyiqlərlə bağlı maarifləndirmə işinin aparılması mütləqdir.
