Azərbaycan millisinin sabiq yunan-Roma güləşçisi, olimpiya mükafatçısı, dünya çempionu və I Avropa Oyunlarının qalibi olmuş Rəsul Çunayev 3-cü dəfə məzun oldu.
Shimal.News xəbər verir ki, sabiq güləşçi bu barədə şəxsi sosial şəbəkə hesabından paylaşım edib. O bildirib ki, Azərbaycan Respublikasının Prezidenti yanında Dövlət İdarəçilik Akademiyasının bələdiyyə idarəetməsi üzrə ixtisasını uğurla başa vurub.
Bundan öncə, Rəsul Azərbaycan İdman Akademiyasını bitirib və Bakı Dövlət Universitetinin hüquq fakültəsindən məzun olub.
Rəsul Abakar oğlu Çunayev 1991-ci il yanvarın 7-də Balakən rayonunun Yeni Şərif kəndində anadan olub. O, 2010–2014-cü illərdə Azərbaycan Dövlət Bədən Tərbiyəsi və İdman Akademiyasında (ADBTİA) ali təhsil alıb. Daha sonra o, 2016–2020-ci illərdə Bakı Dövlət Universitetinin məzunu olub.
