Qusarda silsilə oğurluqlar etməkdə şübhəli bilinən şəxs saxlanılıb. Bu barədə ShimalNews 30 iyul tarixində Report-a istinadən məlumat verir.
Rayon ərazisində baş verən oğurluq hadisələrinə qarşı keçirilmiş əməliyyat-axtarış tədbirləri nəticəsində Şahin Əfəndiyev saxlanılıb.
Araşdırmalar zamanı məlum olub ki, o, müxtəlif evlərdən oğurluq etməklə ümumilikdə 1300 manatdan çox pul, 46.000 rus rublu və ümumi dəyəri 10.000 manatdan çox olan qızıl-zinət əşyalarını talayıb.
Faktlarla bağlı cinayət işi başlanılıb. Əfəndiyev barəsində həbs qətimkan tədbiri seçilib.
