Qusar rayonunun Aşağı Ləyər kəndinə aparan avtomobil yolunun vəziyyəti sakinlərin narazılığına səbəb olub.
Shimal.News-a danışan sakinlərin sözlərinə görə, Qusar Olimpiya İdman Kompleksindən Aşağı Ləyər kəndi istiqamətinə gedən yolun asfalt örtüyü tamamilə sıradan çıxıb, hərəkət hissəsi irili-xırdalı çuxurlarla doludur. Bu da həm nəqliyyat vasitələrinin hərəkətini çətinləşdirir, həm də avtomobillərə ziyan vurur.
Vətəndaşlar bildirirlər ki, məsələ ilə bağlı dəfələrlə aidiyyətli qurumlara müraciət ediblər. Onlara yolun təmir ediləcəyi bildirilsə də, indiyədək heç bir iş görülməyib.
Sakinlər aidiyyəti qurumlardan yolun qısa müddətdə əsaslı şəkildə təmir olunmasını və problemin həllini tələb edirlər.
