Qusar rayonunda “Nə? Harada? Nə zaman?” intellektual oyununun çempionatı keçirilib. Bu haqda ShimalNews 2 dekabr tarixində məlumat verir.
2 saylı tam orta məktəbin akt zalında keçirilən bilik yarışında Hil, Balaqusar, Həzrə, Kirig, Çiləgir, Bədirqələ kənd məktəblərinin komandaları iştirak ediblər. Oyunun nəticələrinə görə, 1-ci yerə Həzrə, 2-ci yerə Hil, 3-cü yerə Balaqusar kənd tam orta məktəblərinin komandaları layiq görülüb.
Çempionatın əsas məqsədi yeniyetmə və gənclərin intellektual səviyyəsinin və dünyagörüşünün artırılması, intellektual oyunların gənclər arasında təbliği, istedadlı gənclərin aşkara çıxarılması və tanıdılmasıdır.
