Qusar Rayon İcra Hakimiyyəti tərəfindən Yuxarı Qələnxur kəndində səyyar qəbul keçirilib. Bu barədə ShimalNews 21 oktyabr tarixində adıçəkilən quruma istinadən xəbər verir.
Sakinlər payızlıq əkin mövsümü ilə əlaqədar rayon mərkəzinə olan məsafənin uzaq olmasını nəzərə alaraq, mineral gübrələrin səyyar satışının təşkili, istismara yararsız elektrik dirəklərinin və naqillərinin yeniləri ilə əvəz olunması, kəndin bir neçə evinə içməli suyun verilməsində yaranmış çətinliklərin aradan qaldırılması və digər məsələlərin həllinə köməklik göstərilməsini xahiş ediblər.
Qaldırılan məsələlər dinlənilib, onlarla bağlı müvafiq izahat verilib. Bəzilərinin həlli üçün idarə və təşkilat rəhbərlərinə tapşırıqlar verilib.
