2 dövlət qurumunun saytının fəaliyyəti müvəqqəti dayandırılıb. Bu haqda 11 may tarixində ShimalNews Xüsusi Rabitə və İnformasiya Təhlükəsizliyi Dövlət Xidmətinə istinadən məlumat verir.
İnformasiya təhlükəsizliyi tələblərinə cavab vermədiyindən Qusar Rayon Gənclər və İdman İdarəsinin http://qusar-gii.gov.az və İsmayıllı Rayon Bələdiyyəsinin http://ismayilli-bl.gov.az elektron informasiya ehtiyatının fəaliyyəti dayandırılıb. Buna səbəb aparılan audit yoxlamaları nəticəsində müəyyən edilmiş təhlükəsizlik risklərinin aradan qaldırılmamasıdır.
Sözügedən saytlarda infomasiya təhlükəsizliyi üzrə çatışmazlıqlar aidiyyəti qurumlar tərəfindən aradan qaldırıldıqdan sonra onların fəaliyyəti bərpa ediləcək.
