Qusar Dövlət Ləzgi Dram Teatrı Sumqayıtda “Hekayəti-xırs-quldurbasan” tamaşasını təqdim edib. Bu haqda ShimalNews 8 dekabr tarixində Azərtac-a istinadən məlumat verir.
Kollektiv teatrsevərlərə görkəmli dramaturq Mirzə Fətəli Axundzadənin komediyasını göstərib. Tamaşanın quruluşçu rejissoru Ağalar İdrisoğlu, quruluşçu rəssamı Marina Mahmudova, musiqi tərtibatçısı isə Şaik Qardaşovdur.
Teatrımız Sumqayıt şəhərindəki çıxışı “Heydər Əliyev İli” və Azərbaycan peşəkar milli teatrının 150 illik yubileyi münasibətilə mövsümün yeddinci qastrol səfəri çərçivəsində olub.
