Qusarda 2006-cı ildə bərpa edilən tarixi abidə dağılır. Bu barədə ShimalNews 22 noyabr tarixində məlumat verir.
Həzrə kəndinin girişindən 100 metr məsafədə yerləşən Şeyx Cüneyd türbəsinin təmirə ehtiyacı var. Onun günbəzi və daxili divarları dağılır, pəncərələrinin şüşələri sınıb.
Bura səfər edən turistlər bildirirlər ki, tarixi irsin qorunması əvəzinə, ona zərər yetirilib. Divarlarda olan yazılar və rəsmlər ağ boyanın altında qalıb. Çox güman ki, hətta məhv edilib. Burada bərpa işlərinə mütəxəssislər cəlb edilməyiblər.
Şeyx Cüneyd Səfəvi şeyxlərindən və Ərdəbil hökmdarlarından biri idi. Onun nəvəsi Şah İsmayıl müasir Azərbaycan, Ermənistan, İran, İraq və Əfqanıstan ərazilərini əhatə edən keçmiş Səfəvi dövlətinin qurucusu olub.
Bu türbə I Şah Təhmasibin əmri ilə ulu babasının xatirinə ucaldılmışdır. Sonralar Cüneydin vücudunun qalıqları Ərdəbilə (İran) köçürülmüşdür.
