Qusar rayon polisi bölməsinin rəisi polkovnik Ziya Əliyev tutduğu vəzifədən azad edilib. Bu barədə bu gün, 19 iyul tarixində məlum olub.
Daxili İşlər Naziri general-polkovnik Vilayət Eyvzovun əmriylə onun yerinə müvəqqəti olaraq polkovnik-leytenant Hidayət Babayev təyin olunub. Nazirin daha bir göstərişi ilə, Ziya Əliyev Bakı şəhər Nizami rayon polis idarəsinin rəisi vəzifəsini icra edəcək.
5 dekabr, 2017-ci ildə polkovnik-leytenant Hidayət Babayev Quba Regional Pasport Qeydiyyat İdarəsinin şöbə rəisi vəzifəsindən azad edilərək Qusar Rayon Polis Şöbəsinin rəis müavini vəzifəsinə təyin edilmişdir.
