Qusar Olimpiya İdman Kompleksinin (OİK) keçmiş direktoru Elşən Məmmədova yeni vəzifə həvalə olunub.
Shimal.News xəbər verir ki, gənclər və idman naziri Fərid Qayıbovun müvafiq əmr imzalayıb.
E.Məmmədov Respublika Şahmat Mərkəzinə direktor təyin edilib. Bundan öncə o, Qusar Olimpiya İdman Kompleksinə iki il rəhbərlik edib.
Daha əvvəl 23 ilədək isə idman jurnalisti kimi "Şərq" və "Futbol+" qəzetləri, APA Sport, Lent.az və "Report" agentliklərində müxbir və redaktor kimi çalışıb. 2020-ci ildə Prezident İlham Əliyevin sərəncamı ilə "Tərəqqi" medalına, 2016-cı ildə isə Gənclər və İdman Nazirliyi tərəfindən "İlin idman jurnalisti" adına layiq görülüb.
Məmmədov eyni zamanda İdman Araşdırmalar Mərkəzinin rəhbəri kimi ardıcıl 10 dəfə "İlin Qalibləri" layihəsini, həmçinin minifutbol və voleybol üzrə Zəfər Kuboku turnirlərini təşkil edib.
