Qusar məktəblərini təmsil edən komandalar “Təhsil millətin gələcəyidir” bilik yarışmasının qalibləri olublar. Bu barədə ShimalNews 9 may tarixində “ARB Günəş”ə istinadən məlumat verir.
Elm və Təhsil Nazirliyinin dəstəyi ilə təşkil edilmiş intellektual yarış ümummilli lider Heydər Əliyevin 100 illiyinə həsr olunub. Burada Quba-Xaçmaz Regional Təhsil İdarəsinin tabeliyindəki 32 məktəbin komandası yarışıb.
Nəticədə Bəhruz Ağaverdiyev adına Qusar şəhər 1nömrəli tam orta məktəbin “Şahdağ” komandası qalib adını qazanıb. Qusarın Zindan Muruq kənd tam orta məktəbinin komandası 2-ci, Siyəzən şəhər Cəfər Cabbarlı adına 1 nömrəli tam orta məktəbin komandası isə 3-cü yerə layiq görülüb. Onların mükafatlandırma mərasimi keçirilib.
