Qusarda gənc sahibkarlara dəstək üçün görüş keçirilib. Bu haqda ShimalNews 30 aprel tarixində məlumat verir.
"Turizm potensialının genişləndirilməsi, gənc sahibkarlara dəstək: mövcud imkanlar, çətinliklər və perspektivlər" mövzusunda təşkil edilən tədbir rayon gənclər və idman sektorunun inzibati binasında baş tutub.
Görüşün keçirilməsində əsas məqsəd gənclər arasında sahibkarlıq fəaliyyətinin təşviqi, işsiz gənclərin məşğulluq problemlərinin həllinə yardım etmək, rayonda turizm sahəsində çalışan sahibkarlara dəstək və gənclər arasında sahibkarlıq fəaliyyətinin təşviqi ilə bağlı olub.
Görüşdə Qusar RİH-nin, turizm agentliyinin, iqtisadiyyat, vergi xidmətinin və digər təşkilatların nümayəndələri, sahibkarlar, gənclər iştirak ediblər.
