Bu gün “Qusar-1” kiçik Su-Elektrik Stansiyası 11 illiyini qeyd edir. Bu barədə ShimalNews 20 dekabr tarixində Energetika Nazirliyinə istinadən məlumat verir.
Stansiya 2012-ci ildə istifadəyə verilib. Onun ümumi qoyuluş gücü 960 kVt-dır və 3 ədəd hidroaqreqatdan (hər biri 320 kVt) ibarətdir.
İstismara verildiyi gündən cari ilin 1 dekabr tarixinədək stansiyada 3,1 mln kVt*st elektrik enerjisi istehsal olunub.
Kiçik SES-lər ekoloji cəhətdən təmiz elektrik enerjisi istehsalı müəssisələri hesab olunur. Burada yanma prosesi getmədiyindən ətraf mühitə istixana effekti yaradan qazlar atılmır.
