Dövlət Ekoloji Təhlükəsizlik Xidmətinin əməkdaşları tərəfindən Quba və Qusarda yoxlamalar aparılıb.
Shimal.News xəbər verir ki, Qusarçay çayının Qusar rayonundan keçən hissəsindən Fəxrəddin İsayevə məxsus qum-çınqıl karxanası, Qudyalçay çayının Quba rayonunun inzibati ərazisindən keçən hissəsindən isə "Dəmiryol Tikinti" MMC tərəfindən ümumilikdə 1202,4 m3 həcmində çınqıl-qum qarışığının qanunsuz götürüldüyü müəyyən edilib.
Faktlarla bağlı Fəxrəddin İsayevə məxsus qum-çınqıl karxanasının iş icraçısı Şaiq Teymurov barəsində vəzifəli şəxs qismində, "Dəmiryol Tikinti" MMC-nin məsul şəxsi Talıb Mehdiyev barəsində isə fiziki şəxs qismində protokol tərtib olunub və qanunamüvafiq qaydada inzibati məsuliyyətə cəlb ediliblər.
