Quba rayonunun Zərdabi qəsəbəsində yerləşən parkın işıqlandırılması ilə bağlı problem yaşanır.
Shimal.News-a daxil olan vətəndaş müraciətinə əsasən, istifadəyə verilməsindən çox vaxt keçməsə də, parkda axşam saatlarında tam qaranlıq hökm sürür.
Sakinlərin sözlərinə görə, park ərazisində quraşdırılmış işıq dirəklərinin əksəriyyəti sınıq, digərləri isə işlək vəziyyətdə olsa da, artıq yanmır. Problem bir müddətdir mövcud olsa da, edilən müraciətlər nəticəsiz qalıb.
“Park axşam saatlarında zülmətə bürünür. Gecə vaxtı uşaqların və gənclərin təhlükəsiz hərəkəti üçün işıqlandırma çox vacibdir. Dəfələrlə şikayət etsək də, nəticə yoxdur,” – deyə sakinlər bildiriblər.
Vətəndaşlar parkda işıqlandırmanın bərpa olunmasını və təhlükəsizliyin təmin edilməsini tələb edirlər.
