Şəhid Səbuhi Əliyevin ailəsi Quba Rayon İcra Hakimiyyəti tərəfindən ziyarət olunub. Bu barədə ShimalNews 24 oktyabr tarixində adıçəkilən quruma istinadən xəbər verir.
Tədbirdə icra başçısının müavini Səidə Abasova, RİHB aparatının şöbə müdiri Asəf Şirinov, Dövlət işçiləri həmkarlar təşkilatının sədri Zülfurə Baxışova və RİHB-nin Zərdabi qəsəbə İƏD üzrə nümayəndəsi Elxan Qasımov iştirak ediblər.
Şəhidin yeni anadan olmuş övladları Nazlı və Nərgiz üçün uşaq arabaları, geyim və digər hədiyyələr təqdim edilib.
S.Əliyev 44 günlük Vətən müharibəsində qəhrəmanlığına görə “Cəsur döyüşçü” medalı ilə təltif olunub. Azərbaycanın Qarabağ bölgəsində lokal xarakterli antiterror tədbirləri zamanı şəhidlik zirvəsinə ucalıb.
