Qubada şagirdlər Azərbaycanın Əməkdar idman ustası, paralimpiyaçı cüdoçu, ikiqat Paralimpiya Oyunları, ikiqat dünya və səkkizqat Avropa çempionu, 2015 Avropa Oyunlarının qalibi, Əməkdar məşqçi, 7-ci dan sahibi, Qarabağ qazisi İlham Zəkiyevlə tanış olublar. Bu haqda ShimalNews 15 may tarixində məlumat verir.
Qonağımız Zəki Kərimov adına Birinci Nügədi kənd məktəbində gənclərə ölkədə kütləvi idmanın geniş vüsət almasından danışıb. O qeyd edib ki, Azərbaycan idman dövlətidir. Bunu dünyanın bütün idman ictimaiyyəti bilir, qəbul edir. Eyni zamanda Qubanın 2024-cü il üçün idman paytaxtı seçilməsi münasibəti ilə hamını təbrik etmiş, yarışların təşkilində uğurlar arzulamışdır.
Daha sonra Paralimpiya Oyunlarının çempionu məktəbliləri maraqlandıran sualları cavablandırıb.
Tədbirdə Nügədi kəndinin gənc cüdoçuları nümunəvi çıxışlar nümayiş etdiriblər.
