Quba rayonundan 7 kiloqrama yaxın narkotik vasitəni Bakıya aparmaq istəyənlər saxlanılıblar. Bu haqda ShimalNews 5 dekabr tarixində DİN-in Mətbuat Xidmətinə istinadən məlumat verir.
Polis əməkdaşları narkotik vasitələrin qanunsuz dövriyyəsinə qarşı əməliyyat keçiriblər. Nəticədə narkotik vasitələrin qanunsuz dövriyyəsində şübhəli bilinən Bakı şəhər sakinləri Orxan Əsədullayev, Əsmər Əsədullayeva, Sadiq Rəhimov və Nailə Qurbanova aşkar olunublar.
O.Əsədullayev və S.Rəhimov əvvəlcə hadisə yerindən qaçsalar da, daha sonra keçirilən tədbirlər zamanı Bakı şəhərində saxlanılaraq Qubaya gətiriliblər.
Məhkəmənin qərarı ilə 3 şəxsin barəsində həbs qətimkan tədbiri, Nailə Qurbanova haqqında isə digər qətimkan tədbiri seçilib.
Araşdırmalar davam etdirilir.
