Amerikada təhsil alan qubalı gənc ixtiraçı onu bütün dünyaya tanıdan qurğudan danışıb. Bu barədə ShimalNews 19 iyul tarixində Real TV-yə istinadən məlumat verir.
Reyhan Camalova yağış suyundan enerji istehsal edən “Rainergy” qurğusunu ixtira edib. O bildirib ki, hal-hazırda Lənkəranda testlər həyata keçirilir.
“Ümid edirik ki, yayın sonunda bu testləri uğurla başa vurarıq. Ondan sonra da növbəti mərhələyə artıq keçid edəcəyik. Əlbəttə testləri apardıqda başqa bir çətinliklərlə qarşılaşırıq, daha sonra onları həll etməyə çalışırıq. Mən deyərdim ki, əsas layihənin tamamını 2023-cü il üçün planlayırıq”, - deyə gənc ixtiraçı bildirib.
Daha öncə Reyhanın “Nobel” mükafatını qazanmaq istədiyi haqda məlumat vermişdik.
