Qubada yeni meyvə emalı müəssisəsi tikilir.
Shimal.News məlumat verir ki, zavodda meyvə konsentrantı və meyvə şirəsinin istehsalı və qablaşdırılması həyata keçiriləcək.
Müəssisənin illik istehsal gücü 4000 ton məhsul təşkil edəcək ki, bu da həm yerli bazarın tələbatını ödəməyə, həm də ixrac imkanlarını genişləndirməyə şərait yaradacaq.
Ümumi dəyəri 25 milyon manat olan bu müəssisə 2 hektar ərazini əhatə edir və tam istifadəyə verildikdən sonra 112 nəfərin daimi məşğulluğu təmin olunacaq.
Müəssisənin rəsmi açılışı 2025-ci ilin sentyabr ayında nəzərdə tutulur.
