Quba-Xaçmaz yolunun Quba rayonunun Alekseyevka kəndi yaxınlığında toy karvanı zamanı ağır yol-nəqliyyat hadisəsi baş verib.
Shimal.News-un məlumatına görə, VAZ-2107 markalı avtomobil yoldan çıxaraq ağaca çırpılıb. Qəza nəticəsində avtomobildə olan şəxslərdən biri hadisə yerində ölüb, digər şəxs isə ağır xəsarət alıb. Yaralı Quba Rayon Mərkəzi Xəstəxanasına çatdırılıb.
Faktla bağlı araşdırma aparılır.
***
Qubada toy karvanında baş verən qəza nəticəsində ölən və yaralanan şəxslərin kimliyi məlum olub.
Qəza 10 noyabr 2025-ci il tarixində, saat 13:10 radələrində Quba–Xaçmaz avtomobil yolunda qeydə alınıb. Hadisə zamanı “VAZ-2107” markalı avtomobilin sürücüsü, Xaçmaz rayon sakini 23 yaşlı Şahbala Asəf oğlu Mehdiyev xəstəxanaya aparılarkən yolda dünyasını dəyişib.
Avtomobildə olan sərnişin – 2002-ci il təvəllüdlü Ceyhun Zülfüqar oğlu Süleymanov isə müxtəlif dərəcəli bədən xəsarətləri alaraq Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. Ona bədənin müxtəlif nahiyyələrinin kiçik ölçülü əzilmiş və sıyrılmış yaraları, həmçinin qapalı kəllə-beyin travması diaqnozu təyin edilib və zəruri tibbi xidmətlər göstərilib.
TƏBİB bildirir ki, pasiyentin müalicəsi Təcili tibbi yardım şöbəsində davam etdirilir və vəziyyəti orta ağır qiymətləndirilir.
