Qubada dağ kəndləri qazlaşdırılmadığına görə sakinlər əziyyətlərə düçar olublar. Bu barədə ShimalNews 19 dekabr tarixində Az TV-yə istinadən məlumat verir.
“Deyirlər ki, mərhələli şəkildə həll olunur. 10 ildir mərhələni aşıb bizə qaz çəkmirlər, camaatımız çox zülm çəkir”, - deyə ağsaqqal Ağalar Bayramov bildirib.
Eyni zamanda gənclərin təhsil almağı da geriləyir. Məktəblər isinmədiyinə görə, davamiyyət olmur.
Söhbət Bad, Qalagah, Məckəxacə, Xanagah, Bağçalı kəndlərindən gedir. Burada yaşayanlar ağac və taxta alaraq qış aylarında isinməyə çalışırlar.
Məsələ ilə bağlı “Azəriqaz” İB-nin mətbuat katibi Eldəniz Vəliyev açıqlama verib. O deyib ki, Məckəxacə kəndi 2024-cü ildə qazlaşma prosesinə daxil edilib. Digər kəndlər isə mərhələli şəkildə mavi yanacaqla təmin olunacaq.
