Quba rayonunun 1-ci Nügədi kəndinin yaxınlığında Dövlət Ekoloji Təhlükəsizlik Xidmətinin əməkdaşları tərəfindən nəzarət tədbirləri keçirilib.
Shimal.News xəbər verir ki, Qaraçayın sol sahilində fiziki şəxs Zaur Cəfərovun, Qudyalçay çayının Zizik kəndi yaxınlığından keçən hissəsində fiziki şəxs Elməddin Həsənovun və Hacıqayıb kəndi yaxınlığından keçən hissəsinin sağ sahilində yerləşən və “Qranit Servis” MMC-nin istifadəsində olan qum-çınqıl karxanalarından ümumilikdə 1119 kub.m həcmində çınqıl-qum qarışığının qanunsuz götürülməsi faktı müəyyən edilib.
Faktlarla bağlı müvafiq olaraq karxanaların və MMC-nin iş icraçıları Mustafa Heydərov, Mütəllim Hüseynov, Tərlan Təhməzov barəsində vəzifəli şəxs qismində protokol tərtib olunub və qanunamüvafiq qaydada inzibati məsuliyyətə cəlb ediliblər.
