Quba şəhərində Azərbaycan polisinin yaranmasının 106-cı ildönümü münasibətilə tədbir keçirilib. Bu haqda ShimalNews 2 iyul tarixində xəbər verir.
2 iyul - Polis İşçilərinin Peşə Bayramı Günü münasibətilə Quba Rayon İcra Hakimiyyətinin başçısı İlqar Mahmudov, Rayon İcra Hakimiyyətinin məsul şəxsləri, YAP Quba rayon təşkilatının sədri, rayonun hüquq-mühafizə orqanlarının, idarə, müəssisə və təşkilatların rəhbərləri, Quba Rayon Polis Şöbəsinin əməkdaşları Heydər Əliyev adına Mədəniyyət və İstirahət parkında ulu öndərin abidəsini ziyarət ediblər.
Sonra isə Quba Rayon İcra Hakimiyyətində xidmətdə fərqlənmiş polis işçiləri ilə görüş keçirilib və onları fəxri fərmanlarla təltif ediblər.
