Qubanın Bağbanlı kəndində mübahisə ölümlə nəticələnib. Bu haqda ShimalNews 28 dekabr tarixində xəbər verir.
Hadisə dekabrın 27-si saat 19:00 radələrində qeydə alınıb. 49 yaşlı Zülfüqar İsmixanov sərxoş vəziyyətdə 85 yaşlı anası Zöhrə İsmixanovaya odun parçası ilə xəsarət yetirib.
Qadın təcili tibbi yardım avtomobili ilə Quba rayonu Müalicə Diaqnostika mərkəzinə çatdırılıb. Onun həyatını xilas etmək mümkün olmayıb.
Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, hadisəni törətməkdə şübhəli bilinən şəxs tutulub.
Zülfüqar İsmixanov 1-ci Qarabağ müharibəsində döyüşüb, 2-ci qrup əlildir. Onun həyat yoldaşı, 2 övladı və anası 1 evdə yaşayırdılar.
