Qubada narkotik tərkibli bitkilərin kultivasiyası ilə məşğul olmaqda şübhəli bilinən iki qardaş saxlanılıb. Bu barədə ShimalNews 2 avqust tarixində Report-a istinadən məlumat verir.
“Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Zaur və Vüqar Bəgiyev qardaşlarının meşə zolağında bitkiləri əkib-yetişdirmələri məlum olub. Əməliyyat nəticəsində 156 ədəd yaş vəziyyətdə çətənə bitkisi aşkar olunaraq götürülüb.
Bundan əlavə, Vüqarın evinə baxış zamanı oradan bir ədəd tüfəng və ona məxsus 4 ədəd patron aşkar edilərək müsadirə edilib.
Faktla bağlı cinayət işi başlanılıb, məhkəmənin qərarı ilə Şabran rayon sakinləri barəsində həbs qətimkan tədbiri seçilib.
