Sentyabrın 5-də Quba şəhərində işaxtaranlar və işsizlər üçün geniş əmək yarmarkası təşkil olunacaq.
Shimal.News-un məlumatına görə, yarmarka Dövlət Məşğulluq Agentliyinin Quba-Xaçmaz Regional Filialının təşəbbüsü ilə reallaşacaq.
Yarmarkada 14 işəgötürən tərəfindən 100-dən çox vakansiya təqdim ediləcək. Təklif olunan iş yerləri əsasən regionun əmək bazarının tələbatına uyğun olaraq turizm, istehsal, ticarət, bankçılıq və kənd təsərrüfatı sahələrini əhatə edəcək. İşəgötürənlərin nümayəndələri iştirakçılara vakansiyaların tələbləri barədə ətraflı məlumat verəcəklər.
Bu tədbirin əsas məqsədi işaxtaranlarla işəgötürənlər arasında birbaşa əlaqəni təmin etmək, vətəndaşların məşğulluq imkanlarını artırmaq və əmək bazarına çıxışını asanlaşdırmaqdır.
Qeyd edək ki, yarmarka 5 sentyabr Quba şəhəri, Səməd Vurğun və Qasım İsmayılov küçələrinin kəsişməsində (Nizami parkı) təşkil olunacaq.
