Qubada “İnsan hüquqları: dini etiqad azadlığı” mövzusunda seminar keçirilib. Bu haqda ShimalNews 22 may tarixində məlumat verir.
“İnsan hüquqları aylığı” çərçivəsində təşkil edilən tədbirdə Quba RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Anar Məmmədov, DQİDK-nın Quba bölgəsi üzrə şöbəsinin müdiri Ramin Xudayev, İnsan Hüquqları üzrə Müvəkkilin (Ombudsman) Şimal Regional Mərkəzinin rəhbəri Bəhruz Əfəndiyev, müvafiq qurumların əməkdaşları, dini icma sədrləri və din xadimləri iştirak ediblər.
Seminarda insan hüquqlarının və azadlıqlarının təmin edilməsini dövlətin ali məqsədi kimi bəyan edən Konstitusiyamız Heydər Əliyevin təşəbbüsü ilə qəbul olunduqdan sonra bu sahədə hüquqi bazanın yaradılmasının əsasından danışılıb. İştirakçıların tədbirin mövzusu ilə bağlı fikirləri dinlənilib, sualları cavablandırılıb.
