Quba rayonunda ata və oğul arasında yaranan mübahisə cinayətlə nəticələnib.
Shimal.News məlumat verir ki, hadisə bu ilin fevralın 19-da Quba rayonunun kəndlərindən birində baş verib.
Kənd sakini, 1991-ci il təvəllüdlü Əlvan Orucov həmin gün, gecə saatlarında aralarında yaranmış şəxsi münasibətlər zəminində baş vermiş mübahisə zamanı atası Faiqə qəsdən yumruqla zərbə endirib. Hadisəni törədən Əlvan barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Əlvan ona elan olunmuş ittiham üzrə özünü təqsirli bilib. O, ifadəsində göstərib ki, Atam sərxoş olduğumu görərək mübahisə etdi. Mübahisə zamanı atamın qolundan yumruqla, sifətinə isə şillə ilə vurdum. Quba Rayon Məhkəməsində keçirilən iclasın yekununda ata ilə oğulun barışması və şikayətin geri götürülməsi nəzərə alınıb. Bu səbəbdən onun barəsində olan cinayət təqibinə xitam verilib. Nəticədə Əlvan məsuliyyətdən azad edilib.
Посмотреть эту публикацию в Instagram
