Qubada məişət tullantılarının toplandığı poliqonda güclü yanğın baş verib.
Shimal.News xəbər verir ki, hadisə avqustun 3-də günorta saatlarında qeydə alınıb.
İlkin məlumata görə, alovun sürətlə yayılmasına havanın küləkli olması səbəb olub. Qısa müddət ərzində yanğın böyük əraziyə yayılıb və yaxınlıqda yerləşən meşə massivinə keçmək təhlükəsi yaranıb.
Əraziyə dərhal Fövqəladə Hallar Nazirliyinin Quba Yanğından Mühafizə Hissəsinin yanğınsöndürən texnikası və canlı qüvvəsi cəlb olunub. Hazırda yanğının söndürülməsi istiqamətində operativ tədbirlər görülür.
