Ümumdünya Ətraf Mühitin Mühafizəsi Günü münasibətilə Quba rayonu Qəçrəş kəndində maarifləndirici görüş təşkil olunub.
Shimal.News xəbər verir ki, görüş zamanı gənclərə ətraf mühitin mühafizəsinin vacibliyi, mövcud ekoloji problemlər, tullantıların düzgün idarə olunması və ekoloji maarifləndirmənin əhəmiyyəti barədə ətraflı məlumat verilib.
İştirakçılara yaşıl həyat tərzinin təşviqi və ətraf mühitin qorunmasında fərdi töhfələrin rolu vurğulanıb.
Gənclər tərəfindən qrup işləri təqdim olunub, interaktiv müzakirələr aparılıb və mövzuya yaradıcı yanaşmalar sərgilənib.
Tədbir Quba regional “ASAN xidmət” mərkəzi və Gənclərin İnkişaf və Karyera Mərkəzinin Quba-Xaçmaz regional nümayəndəliyinin birgə təşkilatçılığı ilə baş tutub.
