Son illər paytaxtla yanaşı, bölgələrdə, ən çox isə Qubada bahalı məzar daşlarından istifadə olunur. Bu haqda ShimalNews 20 may tarixində “ATV”yə istinadən məlumat verir.
Qəbirlərə 3-4 min manat və hətta daha çox pul xərcləyənlər olur. Lakin heç də bütün Quba sakinləri böyük xərclərin tərəfdarı deyillər. Cümə Məscidinin imamı Seyran Fərəczadə deyir ki, İslam dinində bu kimi hallar qəbuledilməzdir.
Dinimizdə başdaşlarının ölçüsü hədislərə görə 1 zira (dirsək), təxmini 70 sm olmalıdır. Üzərində şəkil olması, hündürdə quraşdırılması qəbul olunmazdır. Eləcə də Nazirlər Kabinetinin qərarı ilə ölçülər başdaşı üçün 1 metr hündürlü və 0.5 metr eni keçməməlidir.
Qiymətlərə gəlincə, ən ucuz sadə daş 300 manatdan başlayır. Qara mərmər 2-3 min, ağ mərmər 1-2 min manat və daha çox xərc tələb edir.
[video width="1280" height="720" mp4="https://shimal.news/storage/photos/2024/05/Dabdabali-qabir-daslari-duzgundurmu-ARASDIRMA_1.mp4"][/video]
