Quba şəhərinin el arasında “Bazar küçəsi” adlandırılan Firudin Rəcəbov küçəsində antisanitar vəziyyət ənənəvi hala çevrilib.
Ötən ildən sakinlərin Shimal.News-a müraciəti sayəsində məsələ redaksiyamız tərəfindən nəzarətə götürülüb. Müvafiq qurumların göz qabağında olan natəmizliyə biganə yanaşması suallar doğurur.
Sakinlərin sözlərinə görə, küçənin girişində zibil qutuları olmadığı üçün məişət tullantıları yerə atılır. Bundan əlavə, tullantılar vaxtında daşınmadığı üçün ərazi sahibsiz itlərin məskəninə çevrilir və insanlar küçə heyvanlarının hücumuna məruz qalırlar. Vətəndaşların sözlərinə görə, dəfələrlə kommunal təsərrüfat birliyinə əraziyə zibil qutularının qoyulması ilə bağlı müraciət olunub.
