Quba rayon sakinləri Dayanıqlı və Operativ Sosial Təminat Agentliyinin (DOST) başlayan təmir-tikinti işlərinin dayandırlması ilə bağlı narahatlıqlarını dilə gətiriblər.
Shimal.News-a danışan sakinlərin sözlərinə görə, DOST Agentliyinin tikintisinin davam etdirilməsini və tezliklə açılışın olmasını istəyirlər.
“Biz ümid edirik ki, DOST Agentliyinin açılaması rayonumuza yeni bir nəfəs gətirəcək. Yarım qalan tikinti tezliklə davam etdirilsə məmnun olarıq”.
Məsələ ilə bağlı Shimal.News-un sorğusuna cavab verən DOST Agentliyinin İctimaiyyətlə əlaqələr və kommunikasiya departamentinin müdir müavini Teymur Hacıyev bildirib ki, digər regionlarımızda olduğu kimi Qubada da DOST mərkəzinin tikintisi DOST konsepsiyasının tərkib hissəsidir.
“Orada da bu istiqamətdə fəaliyyət davam etdirilir. Qeyd edək ki, ümumilikdə ölkə üzrə 2030-cu ilin sonunadək 14 regional DOST mərkəzi və 64 rayon filialının istifadəyə verilməsi planlaşdırılır”.
