Quba Meydanında kənd təsərrüfatı məhsullarının yarmarkası start alıb. Bu haqda ShimalNews 23 dekabr tarixində məlumat verir.
Səhər saatlarından əraziyə insan axını davam edir. Burada satışa rayonun bir çox kəndlərinə məxsus məhsullar təqdim olunub. Həmçinin alıcılara “ABAD”ın və “Megastore” mağazasının məmulatları da satışa çıxarılıb.
31 Dekabr – Dünya Azərbaycanlılarının Həmrəylik Günü və Yeni il münasibətilə təşkil edilən məntəqə sabah da davam edəcək.
Yarmarka ilə əlaqədar meydan ərazisində avtomobillərin hərəkətinə məhdudiyyət qoyulub. Sürücülər alternativ olaraq, Fətəlixan küçəsindən istifadə edə bilərlər.
