Qubada vətəndaşların etibarından sui-istifadə edərək onlara maddi ziyan vuran şəxs saxlanılıb. Bu haqda ShimalNews 16 dekabr tarixində DİN-in Mətbuat Xidmətinə istinadən məlumat verir.
Polis əməkdaşları daxil olan məlumat əsasında əməliyyat-axtarış tədbirləri keçiriblər. Nəticədə Qubada müvəqqəti olaraq yaşayan Cəfər Məmmədov saxlanılıb.
Həmin şəxs 25-dən artıq şəxsə problemlərinin həllinə dair səlahiyyəti olması halda vədlər verərək, onlara 30.980 (otuz min doqquz yüz səksən) manat miqdarında ziyan vurub. O, ifadəsində etdiyi dələduzluq əməllərini səmimi etiraf edib.
Cəfər, həmçinin bir neçə xanıma onlarla evlənəcəyinə dair vədlər verib. Onların ailə üzvlərinin adına bankdan kredit götürərək dələduzluq edib.
Faktla bağlı cinayət işi başlanılıb. Məhkəmənin qərarı ilə C.Məmmədovun barəsində həbs qətimkan tədbiri seçilib.
